Proiektua

Etxauzia erosi eta herriari itzulita, proiektua gauzatzen hasiko gira, eta, gure heinean, Baigorri eskualdea eta Ipar Euskal Herri barnekaldea biziagoa eta erakargarriagoa egiten.
Baxe Nafarroa aurrera atera dadin

Ekonomia

Kostaldearen eta enpresa handien indarraren aitzinean, Iparraldeko barnekaldeko ekonomiak indartzeko beharra du. Etxauzia, tokiko ekonomia sustatzeko zentroa izanen da, eta bertako enpresa eta kooperatiben bilgune. Euskal Herri barnekaldeko lantegien elkartea, jadanik sortzen ari girena, hor kokatuko da. Enpresen arteko elkartasuna eraiki, tokiko garapena bultzatu, interes kolektiboen defentsan aritu, euskararen erabilera lantegietan sustatu eta Euskal Herri osoko egitura ekonomikoekin saretuko da lantegi elkartea.

Sustatzaileak gira

Kultura

Kultur zentroa ere izanen da Etxauzia, Euskal Herrian ditugun beste kulturgune handi eta ekimenekin saretuko dena eta sormen nahiz emanaldi mailan erreferentea izanen dena. Barnekaldean arte garaikidearentzat, sormen berritzailearentzat eta, oro har, kulturaren munduaren egunerokotasuna jarraitzeko aukera eskainiko duen gunea izanen da. Gainera, Baigorrialdeak, erreferentziazko leku bat behar du euskara eta kulturarentzat. Sarri baztertua den gure kulturari, prestigio soziala emanen diona, eta euskal sorkuntzari, plaza berri bat, biziki eskualdun mantentzen den eskualdean.

Bide luzea gure bizkarretan

Ondarea

Gure iraganaren lekuko izan diren gazteluko horma zaharrek, hura azaltzeko gune bat aterbetuko dute orain. Ondarearen interpretazio zentro bat izanen da; Baigorriko ibarretik Nafarroako erresuma zaharra esplikatuz.

Mundu guztiko euskaldunak

Diaspora

Etxauzia mundu osoko euskaldunendako bizilekua ere izanen da: diaspora zabala ere gure biziaren parte baita. Euskal Herriko zortzigarren lurraldearen hiriburu izanen da Baigorri, eta, Etxauzia, bere bizitoki, bere Ama Euskal Etxea. Baxenabarre, eta bereziki Baigorrialdea da emigrazio masiboena sofritu duen euskal eskualdea. Euskal Herriko eta munduko euskaldun guzien zerbitxuko lanean ari izanez, Ama lurrera datozen euskaldunentzako aterbe eta harrera leku, eta haien sustraiak ikertzeko

KOORDINATZAILE NAGUSIA

32

Kattalin Sainte-Marie

Lanean ari gira: proiektua eraikitzen, zabaltzen eta biziarazten. Etxauzia elkartean lau batzorde ari dira lanean: diaspora batzordea, ekonomia lantaldea, historia lantaldea eta kultur ekimenak antolatzen dituzten kideak. Gure estrategia elkarlan, partehartze eta saretzean oinarritua da; sinesten dugu elkartasunetik, berrikuntzatik eta ekimen kolektibotik bizia emaiten ahal dakogula Euskal Herri barnekaldeari.

Tfnoa. 0033 (0)685703506

E-posta. kattalin.stm@etxauzia.eus